بواسطة جيهان عيار
الحكومة صادقات اليوم بشكل رسمي على مشروع القانون رقم 59.21 المتعلق بـ التعليم المدرسي، واللي كيشمل تغييرات كبيرة فـ طريقة تنظيم المدرسة، طريقة التقييم، تمويل التعليم، وحتى الصرامة مع المدارس الخاصة 👇🏻
1️⃣ الحق فالتمدرس للجميـــــع
✅أي طفل مغربي (بنت أو ولد) ما بين 4 و18 سنة، حتى لي فـ وضعية خاصة ” له الحق في التمدرس ”
✅الآباء، الأمهات، الأوصياء، الكافلين، وحتى مديري المراكز الاجتماعية خاصهم يسجلو الأطفال فالأقسام..وإلا ما داروش هادشي، غرامة من 2000 حتى لـ 5000 درهم
✅غادي تدار لجنة فـ كل عمالة و إقليم باش تراقب تسجيل الأطفال وتضمن ما يبقى حتى طفل بلا مدرسة
2️⃣ المنقطعيـــن عن الـــدراسة
✅ الأطفال لي خرجو بكري من المدرسة غادي يلقاو فرصة ثانية يرجعو يقراو فـ ” التعليم الاستدراكي ”
3️⃣ ولاد الجــــالية
✅غادي يكون عندهم برامج خاصة باش يعرفو اللغة والهوية المغربية ديالهم، حتى لو كانو عايشين فالخارج
4️⃣ صــــرامة مع المـــدارس الخاصة
✅ممنوع تبدل البرامج بلا موافقة الدولة
✅خاصها تدير التأمين لجميع التلاميذ
✅توفير جمعية الآباء ضرورية فكل مدرسة
✅خاصهم يعاونو التلامذ المعوزين بالمنح والدعم
✅ممنوع طرد أو رفض تسجيل التلاميذ لي عندهم الحق فالدراسة
✅لي خالف هاد الشروط غرامة توصل حتى لـ 120 ألف درهم
5️⃣ التمويل والتقييم
✅الجماعات، الشركات والمؤسسات العمومية غادي يعاونو فتمويل التعليم العمومي
✅كل مدرسة عمومية غادي تخضع لتقييم سنوي
المصدر : انفو العربية